Bjerkreims Syngjande Kameratar

Oppdateres stadig

Hei!

Det er med gleda eg kan formidla at året 2009 for BSK vert meir innhaldsrikt enn fyrst anteke. Me hadde i utgangspunktet innstilt oss på eit år utan nye songoppdrag. Årsaka var at 2 medlemmar hadde (Øystein og Kjell Arne) planar om å reisa ut i militæret.
Øystein fekk etter mykje om og men, endeleg klarsignal om at han var ynskja som sivilarbeidar på Tryggheim, noko han sjølvsagt var villig til å gjennomføra.
Kjell Arne reiste til Oslo for nokre dagar sidan, der han skulle vidare til Bardufoss for å avtena eit år der oppe. Men den gong ei. Han kom ikkje lenger enn legesjekken i Oslo, då han for ei stund sidan brakk eit lite bein i fotbladet for nokre veker sidan. Rett heim!!:)

No har det seg slik at me er same gjengen samla igjen, som de sikkert skjønar. Og det åpnar for nye moglegheiter.

Det som inntil no har vore ein liten hemmelighet er at me er i full gang med utarbeiding av den fyrste cd- en til BSK, og den vert mest sannsynleg ferdig ein gong utpå våren. Det gler me oss mykje til. I den forbinding så er me alle travelt oppteke med dette. Det medførar lite songoppdrag før sumaren. Håpar mange kjøpar denne når den er ferdig. Eit evt overskudd skal gå til eit misjonsprosjekt, så de støttar i så tilfelle ei god sak.

Me har nettopp hatt årsmøtet. Der vart me einige om å starta opp igjen etter sumaren, og at me trappar ned oppdraga frå 2 gonger i månaden, til 1 gong. Det vil seie, om de vil at me skal koma og syngja for dykk. Ver tidleg ute.

Ny leiar og kontaktperson for året er Kjell Arne Refstie. Tlf. nr står til høgre på denne sida.

Me reiste til Sandnes nærare bestemt Lura denne fine fredagskvelden. Der var det emmausmøteveke, og me var så heldige å vera invetert.

Jon Petter Nordbø haldt ein bibeltime for oss fyrst der han snakka om kor rike me er me som har Jesus. Det var fint å høyra på. Me fekk etter kvart sleppa til, og etter den fyrste delen av møtet var det pause. Der hadde dei varta opp med hamburger, saft og kaffi. Det smaka godt. Me fekk det gratis til og med, det var stort.

Etter pausen haldt Erling Yrkje ein innhaldsrik og tankevekkjande tale. Noko av det han snakka om var ungdommen. At me må lytta til kva Gud har å seia oss, fylgja det og stola på han.
Så fekk me syngja litt igjen og så var møtet slutt.




Kjetil var heime, men som de ser så er han ikkje blant oss her. Uvanleg mange som kunne vera med denne kvelden, og det er jo alltid kjekt. Ein goe gjeng!:)





Men her var han jo. Jon Gunnar kunne ikkje vera med denne kvelden, så då måtte Kjetil steppa inn på piano. Sang gjorde han og. Den mannen sluttar aldri å imponera. Men me sakna deg Jon, så neste gong må du vera med.


(beklagar dette innlegget kom noko seint på trykk)